أذكر إنه قالي مره وش الحريه..!!

أذكر انه قال لي مره وش الحريه..!!


•?• كل ماذعذع علي صلف الهوى حدرية
يكفخ فوادي بصدري قبل يكفخ ثوبي •?•

•?• خص لاجا باردن ومذعذع" عصريه
يجمع اللي به من الذكرى وياتي صوبي •?•

•?• قبل يلعب بي وأنا قد شفت في مارية
ضايق"من صبح والهاجوس دوبه دوبي •?•

•?• والله إن كنه يداوي الجرح بالشبريه
والجوارح من هواه الصلف ماصدوبي •?•

•?• لا ذكرت اللي رحل وعيونه الدريه
كل مالديت فيها تهت لا لدوبي •?•

•?• تمطر عيوني وخفاقي سرا ساريه
ينعصر وأنا دموعي للوفا عذروبي •?•

•?• صمت عن وصل المحبة لانها عذريه
والردى ماهوب من طبعي ولا بسلوبي •?•

•?• أذكر إنه قال لي مرة وش الحريه
قلت عكس اللي لقيته منك يامحبوبي •?•

•?• أهتوي طاري هله من حبي لطاريه
والدروب اللي تجنبهم ماهي بدروبي •?•

•?• متعب" رجلي ولو هي صوبهم عبرية
وأبني أمالي على الترحيب لاهلوا بي •?•

•?• أثرهم ناوين لي بالنيه الشريه
وأثرني دارين وأنا اقول ماشكوبي •?•

•?• وأثرني ضايع وصدق قصة الحوريه
وش ينجيهم من اثامي إذا قفوا بي •?•

•?• جزت مادام الهوى يبغي عصاً سحرية
وتبت مادام القدر عيا على مطلوبي •?•

•?• قد همومي وين ألاقي الصيد بالبريه
وقومة" في وجه ضيفي وأعرف ماجوبي •?•

•?• أصغر أهدافي تزول الدولة العبريه
وأكبر آمالي يغفر الله جميع إذنووبي •?•